Atención psicolóxica

Ofrecemos un servizo gratuíto de atención psicolóxica, especializado e adaptado ás necesidades das persoas maiores LGTBQI+. 

Entendemos que o camiño percorrido polas persoas maiores da nosa comunidade  foi longo e, a miúdo, non foi fácil. Por iso, o noso equipo de profesionais está aquí para ofrecerte un espazo de escoita segura e confidencial, onde poderás falar abertamente sobre as túas experiencias, preocupacións e desafíos actuais.

Este servizo está pensado para persoas LGTBIQ+ maiores de 65 anos e que necesiten un acompañamento profesional para manexar situacións como:

• Soidade e illamento social.
• Procesos de duelo ou perda.
• Problemas de saúde mental (ansiedade, depresión).
• Aceptación da vellez e cambios no proxecto de vida.
• Conflitos familiares ou de parella.
• Discriminación ou estigma.

Como funciona?

O noso equipo proporcionará un apoio totalmente personalizado, respectando o teu ritmo e as túas necesidades. Podes acceder ás sesións de forma individual, xa sexa de maneira presencial ou telemática, garantindo a máxima comodidade e confidencialidade.

Se sentes que necesitas un espazo para falar e coidar da túa saúde mental, non dubides en contactarnos. Estamos aquí para acompañarte e axudarche a vivir esta etapa da túa vida con plenitude e benestar.

Para acceder a este servizo é necesaria unha cita co servizo de Primeira Atención (traballo social).